Хитойлик муҳандислар Шанси шаҳрида баландлиги 838 метр бўлган 220 қавтли бинони 90 кун ичида қуриб битказишни мўлжаллашмоқда. Шанси Хитой марказий қисмидаги Хунан вилоятининг маъмурий марказидир. Бу шаҳарда ”Sky Citi” номини оладиган осмонўпар бино қурилиши 628 миллион АҚШ долларига баҳоланган иншоотни қуриш ишлари шу ой охиридан бошланиши кутиляпти. Бунинг учун аввалдан тайёрланган махсус материаллар ишлатилади. Бундай усул 2011 йилнинг декабрида Хунан вилоятида 30 қаватлик меҳмонхона биносини 15 кун ичида қуриб битказиш учун ишлатилган. 30 қаватлик бино 15 кун ичида кўтарилгани тасвирга туширилган видео: Ичида шинам уйлар, идоралар, савдо мажмуалари ва ресторанлар жойлашадиган ушбу бино 31400 одамни сиғдира олади ва уларга 104та тез ҳаракатланадиган лифт хизмат қилади. Бино камида тўққиз баллик зизилага дош бера олиши учун унинг конструкцияси зангламайдиган пўлатдан ясалади. Бунинг учун 220 минг тонна пўлат ишлатилиши кўзда тутилган. "Sky City" деб номланган бу бинони қуриш ишлари тугатилгандан кейин у ҳозирда мамлакатдаги энг улкан бино саналган Шанхай минорасини ҳам ортда қолдиради. Шанха минорасининг баландлиги 632 метрни ташкил қилади. Маълумки, дунёдаги энг баланд бино Дубайдаги "Бурж Ҳалифа" ҳисобланади. Олти йилда бунёд этилган 162 қаватли "Бурж Ҳалифа" биносининг баландлиги 828 метрни ташкил қилади. ”Sky Citi” дизайнини яратишда ҳам "Бурж Ҳалифа" меъморлари иштирок этди. Баландлиги бўйича "Tokyo Skytree" ҳозир иккинчи ўринда - 634 метр. Баландлиги 150 метрдан узун бўлган иморатлар осмонўпар бино ҳисобланади. Ўтган аср охирларига қадар осмонўпар бинолар сони ва баландлиги бўйича дунёда АҚШ етакчилик қилган. 21-аср бошидан бу борада Хитой ва Форс кўрфази давлатлари олдинга ўтиб олди. Баланд бинолар ва шаҳар муҳити бўйича халқаро кенгаш 2012 йилнинг энг яхши осмонўпар биноларини эълон қилганди. Ғолиблик бешта бинога насиб этди. Европанинг энг кўркам осмонўпар биноси Италиянинг Милан шаҳридаги баландлиги 161 метр бўлган Palazzo Lombardia бўлди. Шимолий ва Жанубий Америкада эса ғолиблик Канаданинг Миссисога шаҳридаги баландилиги 158 метр Absolute Towers миноралар мажмуасига насиб этди. Осиё ва Австралияда Сиднейдаги 1 Bligh Street (135 метр), Яқин Шарқ ва Африкада Қадар пойтахти Дохадаги Doha Tower (238 метр) энг яхши осмонўпар бино деб топилди. Бундан ташқари, "Инновация учун" деб аталган махсус мукофот Абу-Дабидаги Al Bahar Towers (145 метр) биносига берилди.
| 
